كنت قاعدة مع احد الأصدقاء و سألنى عن أحسن و اسوأ الأتصالات في الخريطة و بعدين قولتله ان مفيش حاجة اسمها كده في المطلق لأن كله فى النهاية عايز نوع من التركيز، الادراك و التوازن.
بس فكرت أكتب عن أكتر 10 اتصالات و أماكن أنا شخصياً بحب اشوفهم فى الخريطة و مش عشان هما حلوين أو احسن من اتصالات و حاجات تانية.
1. تثليث أو تسديس اورانوس للشمس، القمر، عطارد، الزهرة أو المريخ
. من أكتر الأتصالات اللي بحب اشوفها لأنها بتدى الشخص نوع من الاختلاف بس بشكل معتدل وصعب الشخص يتشاف زى الباقي عادى و دايماً عنده هالة محببة و غريبة أو بالأصح ملفتة بس مش مبتذلة.
2. اقتران الشمس و القمر
. ببقي سعيدة جداً لما اشوف اقتران زى ده لأن الشخص بيبقى مرتاح في نفسه بشكل مش طبيعي و مش بيتكسفوا يكونوا تلقائيين أو يعبروا عن نفسهم و مشاعرهم، هو اه مش اتصال سهل للدرجة دي بس حلو و مميز.
3. اقتران أو معاكسة القمر و المريخ
. على قد إنه اتصال مرهق جداً و متعب عاطفياً لكن لما بشوفه بعرف ان قدامي شخص شغوف و عينيه بتلمع كده من الحماس و الاندفاع، ده غير إن أكتر المزز عندهم اتصال بين القمر و المريخ ف مين يكره يعني.
4. اقتران عطارد و المريخ
. الصراحة راحة و دي أجمل حاجة في الأتصال ده، الناس دي اللي في قلبها علي لسانها و أنت مش محتاج غير الصراحة.
5. مريخ العقرب
. مهما كانت خريطتك وحشة و شايف ان مناخيرك أحلي منها لوعندك المريخ في العقرب ف غالباً أنت مش ناقصك حاجة غير تنزل و تشوف نفسك في إيه و كله هيجي لحد عندك.
6. اقتران المشتري بالطالع، ال MC أو المريخ
. اتصالات المشتري معظمها حلوة مع العلم إن فيه بعض التعلقيات يعني بس المشتري برج كله honey و اقترانه بأي حاجة من دول تحديداً بيخلي الشخص مبهج و سعيد من غير سبب احياناً.
7. لما يكون القمر أو الزهرة في الثور أو الميزان
. الطعامة و الشقاوة بحب اشوف القمر أو الزهرة في البرجين دول تحديداً حتي لو وضعهم سئ لأني بحس ان الشخص يمتلك من اللباقة و الذكاء اللي يخليه يعدي بحاجات كتير و قادر يحتفظ بشكله و روحه الحلوة.
8. اقتران الزهرة و نبتون
. دايماً أقول يا بخت اللي بيحب حد عنده اتصال بين الزهرة و نبتون لأنهم حقيقي أحسن ناس تحبك و تجيب ناس تحبك كمان بس الأهم إن دايماً الأشخاص دي بتبقي جذابة جداً و ملفتة و هما مش حاسين بده و شايفين أنهم عادي مع العلم إنه العكس تماماً.
9. زحل في البيت الأول
. عارفة إنه مكان صعب و الشخص يا عيني يومه ب سنة بس بحب أشوفه جداً و بحس إن الشخص عنده اصل و صبر شديد و الحقيقة إن معظم الأشخاص اللي اشتغلت معاهم و عندهم المكان ده عندهم نوع من التسامح مع غلطاتهم و عيوبهم وفعلاً بيكبروا بحلاوة .. ageing gracefully af
10. المريخ و بلوتو
. اتصالات المريخ و بلوتو تقيلة و محتاجة شغل كتير جداً بس قوة لا يستهان بيها و جذابية جبارة، بيعرفوا يحركوا أي حد من غير ما يقولوا كلمة حاجة كده زي أنت معلم و احنا منك نتعلم.
. و أخيراً لو عاجبك الموضوع و فهمت حاجة أعمل شير و لايك و وصله للصين :)
. و لو مهتم تفهم خريطتك و شوية تفاصيل عنها ممكن تحجز عندى لتحليل الخريطة و تكلمنى على تويتر هتلاقينى هناك و هتلاقي مواضيع مهمة كمان هتعجبك
https://twitter.com/Chiron_Cono♫ و افتكروا دايماً ان وجودكم مهم و مؤثر و الضعيف بس هو اللي يقلل من نفسه
ما عندي من هالاتصالات غير تسديس اورانوس للمريخ
ردحذفموضوع روعة ❤️
اصلا كيف اعرف انو عندي اتصال او تسديس او تخميس او تربيع او مش متاكده اذا فيه تثليث
حذفاصلا كيف اعرف انو عندي اتصال او تسديس او تخميس او تربيع او مش متاكده اذا فيه تثليث
حذفأزال المؤلف هذا التعليق.
ردحذفموضوع جميل عندي تثليث اورانوس مع المريخ والقمر ^_^
ردحذفننتظر جديد في المدونة❤️
موضوع جميل عندي تثليث اورانوس مع المريخ والقمر ^_^
ردحذفننتظر جديد في المدونة❤️
اقتران الشمس والقمر ( قمر الميزان ) عطارد تثليث اورانوس (: + تربيع القمر للمريخ
ردحذفهذا الكلام ينطبق علي الخريطه التوافقييه??
ردحذفعندي نبتون والزهرة في البيت التاسع(الدلو)وعندي تسديس اورانوس والمشتري في البيت الحادي عشر (الحمل)مع الشمس وبلوتو في البيت الثامن الجدي
ردحذفصحبة زحل الأول، وأقولك شكرًا💛
ردحذفأنا كمان أحب هذا الموقع رغم إنه تاعبني إلا إنو صنعني💘💘💘
حبيت واغلب الاتصالات اللي تكلمتي عنها عندي مثل زحل الاول ، اقتران الشمس والقمر ، الزهره في الميزان .
ردحذف