عزيزي القارئ الجميل، تحياتي..
لو حضرتك متابع جيد هتعرف ان نشاطي جداً قليل علي المدونة و يمكن لو سلحفاة هي المسؤولة عن الصفحة دي كانت ادت بشكل أفضل ولكن ده مش هيحبطنا ومكملين بعون الله. بشكل عام المدونة دي للأشخاص الرايقة والمحبة للفلك واللي عندها صبر تقرأ و تكمل الموضوع للنهاية بدون ما تمل مني لأني هنا باخد راحتي في الكلام.
و بناءً عليه لو حضرتك بتحب الخلاصة والمعلومات الملخصة اللي تدخل تلاقيها في الامتحان فمكانك مش هنا ولكن علي حسابي في تويتر اللي هتلاقي اللينك بتاعه في نهاية الموضوع، هناك هتلاقي الخلاصة و مواضيع سريعة و منجزة بدون بقي ما تمل من فلسفتي هنا و دماغك يوجعك.
تنبيه:
لو انت داخل هنا متوقع انك تعرف تأثير عبور مشتري الجدي علي بيتك الأول أو الخامس و غيره من البيوت ايه؟ فده مش هتلاقيه هنا ولكن قريباً جداً في ثريد توقعات نازلة في تويتر خاصة بعبور المشتري علي البيوت المختلفة فطلبك عندنا يا عزيزي :)
السؤال المتوقع، هنتكلم عن ايه؟
. النهارده هنتكلم عن دخول المشتري برج الجدي والطاقة العامة للعبور ده و ايه اللي محتاجين نعرفه عن طاقة أو عبور زي ده بشكل عام بعيداً عن خريطتك و وضعك و حياتك نهائياً.
أولاً في تواريخ مهمة لازم تأخد بالك منها:
يوم 2 ديسمبر2019: دخول المشتري رسمياً برج الجدي
يوم 8 ديسمبر2019: تربيع المشتري لكايرون
يوم 15 ديسمبر2019: تثليث المشتري و اورانوس
يوم 8 يناير2020: اقتران المشتري والعقدة الجنوبية
يوم 20 فبراير2020: تسديس المشتري ونبتون "اول مرة"
يوم 4 ابريل 2020: اقتران المشتري وبلوتو "اول مرة"
يوم 30 يونيو2020: اقتران المشتري وبلوتو " ثاني مرة"
يوم 27 يوليو2020: تسديس المشتري ونبتون "ثاني مرة"
يوم 12 اكتوبر2020: تسديس المشتري ونبتون "ثالث مرة"
يوم 12 نوفمبر2020: اقتران المشتري وبلوتو "ثالث مرة"
يوم 17 ديسمبر2020: بيودعنا مشتري الجدي نهائياً
. طبعاً احنا مش كاتبين التواريخ دي للهزار بالعكس لو تحب تسجلها عندك اعمل ده لأن حرفياً دي بتمثل طاقة مشتري الجدي والاتصالات اللي هيعملها طول السنة ان شاء الله. و تعالوا بقي نتكلم في كذا نقطة، لو انت متابع جيد للأحداث الفلكية هتعرف ان خلال 2019 مشتري القوس كان عامل تربيع مع نبتون العبور في برج الحوت والاتصال اتكرر ثلاث مرات خلال السنة ويمكن من اصعب الاتصالات اللي كانت بتواجه مشتري القوس لأن كان اغلبنا عنده اهداف وامل وحماس بس بطرق غير واقعية او فيه شوية امل كاذب كده زي ما تكون متحمس لفكرة حلوة جداً وعمال تتكلم مع كله وتشجع الجميع ويلا بينا و هنخربها وبعدين تنخرب علي دماغك في الاخر وتلاقي نفسك حملت حالك زيادة عن اللزوم او اتسرعت في تقديرك للأموروبالرغم ان سنة مشتري القوس كانت رائعة علي عدة اصعدة وشوفنا خلالها قدراتنا الفردية كأشخاص وبقي عندنا شعور داخلي كبير بالتوسع والتعلم وبقي في زي يقظة وايمان داخلي انك تقدر تقدم امور افضل وانك تقدر تكون احسن بس كل المشاعر والافكار دي كانت في الهوا او تقدر تقول مش مدعومة بشئ حقيقي لأن نبتون الحوت كان عامل تربيع للمشتري فأنت واثق ومتأكد من مدي نجاحك و ايمانك باللي بتعمله بس في نفس الوقت مفيش شئ بيأكد احساسك ده ولذلك سهل يكون في ناس منكم اتعرضت للنصب و الخداع أو حتي الفشل والاحباط الشديد و دي حاجة دفعتك للبحث والتعمق اكتر عن نفسك. و بدأت تسأل حالك عن قناعاتك واسباب فشلك او تعرضك للخداع والكذب مثلاً وطبعاً علي حسب وضع كل شخص فيكم ولكن في النهاية كان في زي فرصة للجميع من خلال تجارب ومغامرات مختلفة بلغة برج القوس للتعلم عن "النفس" نفسك بشكل افضل.
. طبعاً ده علي عكس مشتري الجدي اللي علاقته بنبتون العبور في الحوت هتكون جداً رائعة و اقل حدة لأن الاتصال هيتحول من "تربيع" الي "تسديس" فأسلوب الدراما المنتشر بتاع حياتنا هتدمر مع مشتري الجدي ده يا ريت يبطل لأنه مش حقيقي :) بالعكس نبتون العبور هنا هيدعم مشتري الجدي بشكل رائع و ده كان مفقود مع مشتري القوس ولذلك مش سهل انك تنخدع في نفسك و تشوف حالك نمبر وان زي محمد رمضان مثلاً بالعكس هتبدأ تشوف قدراتك بشكل منطقي اكثر ومرن وممكن نقول معقد عن الاول و مش هنلاقي المبالغة في تقدير الذات او في تقديرك للغير اللي كانت بتوصل للانخداع فيهم كمان احياناً مع مشتري القوس و ده كويس ولكن اللي مش كويس قوي هنا ان الوضع مش فرفوش للغاية زي ما كان ايام مشتري القوس لأن الجدي مش بيعدي ولذلك انت كمان هتلاقي نفسك مش عارف "تعدي" و هتتحول من شخص كله حماس و بيتخذ قرارات عشوائية لشخص مؤمن ايمان كلي بالتحضير المسبق واتباع الطرق الصعبة وهنا هنفتقد المرونة والسهولة اللي كانت متاحة خلال 2019 خاصةً ان بلوتو الجدي هيقترن بالمشتري 3 مرات خلال السنة فالطاقة جداً قوية و حادة ولكن ده مش معناه انها سلبية.
. كالعادة الجميع هيتأثر بدخول المشتري برج الجدي سواء كان عندك كواكب او نقط في الجدي أو لأ لأن في النهاية انت عندك بيت في خريطتك محكوم ببرج الجدي قد يكون بيتك الاول او الخامس او الرابع علي حسب ولكن الأكثر تأثراً: الجدي، السرطان، الحمل والميزان + اصحاب طالع الجدي والسرطان و مشتري الجدي في خريطة ميلادهم وبالنسبة للأبراج فالكلام ينطبق علي أي حد عنده كواكب في أبراج مماثلة أو نقط ولكن طبعاً لو عندك كواكب شخصية في أبراج مماثلة بيكون تأثيرها أقوي. بشكل عام اصحاب الطاقات او الهيمنة المائية والترابية مش هيتعبوا للغاية مع مشتري الجدي لأن طاقته هتدعمهم بنسبةً ما اللي ممكن يواجه شوية تحديات او صعوبات خلينا نقول هما اصحاب الطاقات او الهيمنة الهوائية والنارية خاصةً ان السنة تحمل طاقات ترابية قوية بعيداً عن مشتري الجدي و دي مش حاجة تقلق منها ولكن مهم " تهيأ" حالك او تستعد لفترة مماثلة وتبدأ تتكيف مع الطاقة المقبلة و دي لعبتك لو أنت ناري او هوائي. بالنسبة للناريين مش وقت مناسب للمغامرة والكبرياء بالعكس انت محتاج تقلل من سرعتك كتير وتتعلم "تشتغل" بجد ومش بس تغامر أو تبدأ و بالنسبة للهوائيين اغلبكم وضعه افضل شوية من الناريين بس مش وقت مزاجية وكسل ولذلك اتعلموا تشتغلوا تحت ضغط و تبذلوا مجهود زيادة عن الأول.
. في المطلق مش بهتم بالسياسة ولا بالاقتصاد أنا ست فنانة تقدر تقول وتهمني التجارب الانسانية او الاجتماعية زي ما تسميها ولذلك الجوانب الاستراتيجية العميقة دي مش هتتطرق ليها لأن كل سنة هنلاقي "ازمةً" ما في مكان ما يعني لا الأخبار ولا الأحداث بتموت أو هتبطل فمحدش يسألني عن رأيي في الأوضاع العالمية الجهنمية :) ولكن لو هنتكلم شوية عن مشتري الجدي فهنلاقي ان برج الجدي اللي بيمثل "البيت العاشر" معاكس لبرج السرطان اللي بيمثل "البيت الرابع" ولذلك سهل حياتك الشخصية تعاني خلال الفترة دي، لو انت متزوج تلاقي التزامات زيادة و ضغوط من كل مكان ولو انت عايش مع اهلك تلاقي طقوسهم او وضعهم بقي عائق ولو انت طالب مثلاً فسهل تلاقي نفسك جداً خايف علي مستقبلك وكله منتظر منك "نتيجة" معينة ، سهل تلاقي مشاكل متعلقة بالتربية، بالانجاب وبتحمل المسؤولية بشكل عام ولكن ده مش امر سئ للغاية كما يبدو لأن ده اللي هيدفع الجميع للاجتهاد بشكل اكبر، لبذل مجهود اعلي ولوضع خطط عملية أكتر خلاص انت مش عايز حد يخدعك ولا مستعد تسمع وعود كاذبة او تحلم بنجاح مؤقت او تعيش بالبركة و زي ما تيجي لأن حتي لو جربت تعتمد علي البركة للأسف خلال السنة دي مش هتيجي ولا هتعدي وبعدين المشتري بيمثل توسع، زيادة و وفرة سواء كانت سلبية او ايجابية وبما ان المشتري في الجدي فهنلاقي ان في تركيز كبير علي نشاطات البيت العاشر وده هيكون ليه تأثير في المقابل علي نشاطات او أمور البيت الرابع لأن في النهاية محور الجدي/السرطان متأثر ولذلك لو استغليت الطاقة صح قد تكون فرصة انك توازن بين حياتك الاجتماعية والشخصية وان اي انجازات وتطورات مهنية تدفعك لتطوير وتحسين حياتك الشخصية ولذلك اتوقع ان في ناس كتير هتتطور اجتماعياً بشكل كبير ويمكن نرجع تاني نهتم ونركز بالمناصب والطبقات الاجتماعية ونلاقي ان في رغبة او توجه جمعي للاستقرار المهني والمعيشي.
. كالعادة متحمسة جداً للفترة القادمة وحابة اشوف التغيرات اللي هتطرأ علي حياتي وحياة المقربين كمان ولو في نصيحة واحدة ممكن اقولها مع اني بكره كلمة "نصيحة" دي هي انك تتقمص طاقة برج الجدي فأنت محتاج تتعمق كويس في البرج وتفهم طاقته وطبيعته وتشوف لو عندك كواكب او نقط معينة فيه وتحدد في اي بيت وتعمل زي دراسة تقدر من خلالها تساعد نفسك و رجاءً بلاش تبص للموضوع بشكل مبتذل وسطحي وان اكيد حظي هيبقي سئ او انها طاقة معاكسة او المشتري مش في شرفه وكلام المبتدأين ده لأني متأكدة ان اغلبكم جداً ناضج وعنده وعي و ادراك عالي فمتأكدة انكم هتكسروا الدنيا وبتكلم بجد. لو السنة مهمة بالنسبة ليك او انت قلقان اعمل تحليل مع حد بتثق فيه وشوف التنبيهات اللي ممكن تفيدك ولو انت خبرة فعيش واتعمق براحتك ولو تقدر تساعد غيرك ومستعد انطلق. في النهاية المشتري كوكب دمه خفيف وبيحب يعلم وينمي مداركك فأشتغل علي ده وللأبد موفقين أبطالي :)
. بكده يكون موضوعنا انتهي حبيت امنح نبذة عن مشتري الجدي قبل ما انزل أي ثريد متعلقة بتوقعات في تويتر. ان شاء الله في ثريد خاصة بالتوقعات قادمة وعارفة ان دي حاجة تهم الجميع وتهمني أنا كمان بصراحة.
⤦ في النهاية لو عاجبك الموضوع اتمني انك تنشره وتعلق وتوصله لحد الصين :)
ولو مهتم تحلل خريطتك عندي ممكن تتواصل معايا علي تويتر
ده اللينك لو مهتم وهناك هتلاقي مواضيع كتير متنوعة ممكن تيجي تقولي هاي ونتكلم عن مشاكل الكون وكأننا محوره ↓↓↓
https://twitter.com/Chiron_Cono
💛 خريطتك ليها الكلمة الأخيرة ومفيش بطل لحكايتك غيرك، النجاح عمره ما هيكون مرتبط بسنة معينة أو بعبور المشتري علي برج معين. ابذل مجهود كبير، اجتهد، اجري زي اللي أول مرة يحب ورا أحلامك ومش مهم لو تعبت أو قعدت كام شهر مش عارف تنام او خسيت شوية لأن في النهاية رحلة نجاحك ومحاولاتك لا تقدر بثمن .. غير كده بحبكم أبطالي واتمنالكم سنة رائعة .. وندرلست
يوم 12 نوفمبر2020: اقتران المشتري وبلوتو "ثالث مرة"
يوم 17 ديسمبر2020: بيودعنا مشتري الجدي نهائياً
. طبعاً احنا مش كاتبين التواريخ دي للهزار بالعكس لو تحب تسجلها عندك اعمل ده لأن حرفياً دي بتمثل طاقة مشتري الجدي والاتصالات اللي هيعملها طول السنة ان شاء الله. و تعالوا بقي نتكلم في كذا نقطة، لو انت متابع جيد للأحداث الفلكية هتعرف ان خلال 2019 مشتري القوس كان عامل تربيع مع نبتون العبور في برج الحوت والاتصال اتكرر ثلاث مرات خلال السنة ويمكن من اصعب الاتصالات اللي كانت بتواجه مشتري القوس لأن كان اغلبنا عنده اهداف وامل وحماس بس بطرق غير واقعية او فيه شوية امل كاذب كده زي ما تكون متحمس لفكرة حلوة جداً وعمال تتكلم مع كله وتشجع الجميع ويلا بينا و هنخربها وبعدين تنخرب علي دماغك في الاخر وتلاقي نفسك حملت حالك زيادة عن اللزوم او اتسرعت في تقديرك للأموروبالرغم ان سنة مشتري القوس كانت رائعة علي عدة اصعدة وشوفنا خلالها قدراتنا الفردية كأشخاص وبقي عندنا شعور داخلي كبير بالتوسع والتعلم وبقي في زي يقظة وايمان داخلي انك تقدر تقدم امور افضل وانك تقدر تكون احسن بس كل المشاعر والافكار دي كانت في الهوا او تقدر تقول مش مدعومة بشئ حقيقي لأن نبتون الحوت كان عامل تربيع للمشتري فأنت واثق ومتأكد من مدي نجاحك و ايمانك باللي بتعمله بس في نفس الوقت مفيش شئ بيأكد احساسك ده ولذلك سهل يكون في ناس منكم اتعرضت للنصب و الخداع أو حتي الفشل والاحباط الشديد و دي حاجة دفعتك للبحث والتعمق اكتر عن نفسك. و بدأت تسأل حالك عن قناعاتك واسباب فشلك او تعرضك للخداع والكذب مثلاً وطبعاً علي حسب وضع كل شخص فيكم ولكن في النهاية كان في زي فرصة للجميع من خلال تجارب ومغامرات مختلفة بلغة برج القوس للتعلم عن "النفس" نفسك بشكل افضل.
. طبعاً ده علي عكس مشتري الجدي اللي علاقته بنبتون العبور في الحوت هتكون جداً رائعة و اقل حدة لأن الاتصال هيتحول من "تربيع" الي "تسديس" فأسلوب الدراما المنتشر بتاع حياتنا هتدمر مع مشتري الجدي ده يا ريت يبطل لأنه مش حقيقي :) بالعكس نبتون العبور هنا هيدعم مشتري الجدي بشكل رائع و ده كان مفقود مع مشتري القوس ولذلك مش سهل انك تنخدع في نفسك و تشوف حالك نمبر وان زي محمد رمضان مثلاً بالعكس هتبدأ تشوف قدراتك بشكل منطقي اكثر ومرن وممكن نقول معقد عن الاول و مش هنلاقي المبالغة في تقدير الذات او في تقديرك للغير اللي كانت بتوصل للانخداع فيهم كمان احياناً مع مشتري القوس و ده كويس ولكن اللي مش كويس قوي هنا ان الوضع مش فرفوش للغاية زي ما كان ايام مشتري القوس لأن الجدي مش بيعدي ولذلك انت كمان هتلاقي نفسك مش عارف "تعدي" و هتتحول من شخص كله حماس و بيتخذ قرارات عشوائية لشخص مؤمن ايمان كلي بالتحضير المسبق واتباع الطرق الصعبة وهنا هنفتقد المرونة والسهولة اللي كانت متاحة خلال 2019 خاصةً ان بلوتو الجدي هيقترن بالمشتري 3 مرات خلال السنة فالطاقة جداً قوية و حادة ولكن ده مش معناه انها سلبية.
. كالعادة الجميع هيتأثر بدخول المشتري برج الجدي سواء كان عندك كواكب او نقط في الجدي أو لأ لأن في النهاية انت عندك بيت في خريطتك محكوم ببرج الجدي قد يكون بيتك الاول او الخامس او الرابع علي حسب ولكن الأكثر تأثراً: الجدي، السرطان، الحمل والميزان + اصحاب طالع الجدي والسرطان و مشتري الجدي في خريطة ميلادهم وبالنسبة للأبراج فالكلام ينطبق علي أي حد عنده كواكب في أبراج مماثلة أو نقط ولكن طبعاً لو عندك كواكب شخصية في أبراج مماثلة بيكون تأثيرها أقوي. بشكل عام اصحاب الطاقات او الهيمنة المائية والترابية مش هيتعبوا للغاية مع مشتري الجدي لأن طاقته هتدعمهم بنسبةً ما اللي ممكن يواجه شوية تحديات او صعوبات خلينا نقول هما اصحاب الطاقات او الهيمنة الهوائية والنارية خاصةً ان السنة تحمل طاقات ترابية قوية بعيداً عن مشتري الجدي و دي مش حاجة تقلق منها ولكن مهم " تهيأ" حالك او تستعد لفترة مماثلة وتبدأ تتكيف مع الطاقة المقبلة و دي لعبتك لو أنت ناري او هوائي. بالنسبة للناريين مش وقت مناسب للمغامرة والكبرياء بالعكس انت محتاج تقلل من سرعتك كتير وتتعلم "تشتغل" بجد ومش بس تغامر أو تبدأ و بالنسبة للهوائيين اغلبكم وضعه افضل شوية من الناريين بس مش وقت مزاجية وكسل ولذلك اتعلموا تشتغلوا تحت ضغط و تبذلوا مجهود زيادة عن الأول.
. في المطلق مش بهتم بالسياسة ولا بالاقتصاد أنا ست فنانة تقدر تقول وتهمني التجارب الانسانية او الاجتماعية زي ما تسميها ولذلك الجوانب الاستراتيجية العميقة دي مش هتتطرق ليها لأن كل سنة هنلاقي "ازمةً" ما في مكان ما يعني لا الأخبار ولا الأحداث بتموت أو هتبطل فمحدش يسألني عن رأيي في الأوضاع العالمية الجهنمية :) ولكن لو هنتكلم شوية عن مشتري الجدي فهنلاقي ان برج الجدي اللي بيمثل "البيت العاشر" معاكس لبرج السرطان اللي بيمثل "البيت الرابع" ولذلك سهل حياتك الشخصية تعاني خلال الفترة دي، لو انت متزوج تلاقي التزامات زيادة و ضغوط من كل مكان ولو انت عايش مع اهلك تلاقي طقوسهم او وضعهم بقي عائق ولو انت طالب مثلاً فسهل تلاقي نفسك جداً خايف علي مستقبلك وكله منتظر منك "نتيجة" معينة ، سهل تلاقي مشاكل متعلقة بالتربية، بالانجاب وبتحمل المسؤولية بشكل عام ولكن ده مش امر سئ للغاية كما يبدو لأن ده اللي هيدفع الجميع للاجتهاد بشكل اكبر، لبذل مجهود اعلي ولوضع خطط عملية أكتر خلاص انت مش عايز حد يخدعك ولا مستعد تسمع وعود كاذبة او تحلم بنجاح مؤقت او تعيش بالبركة و زي ما تيجي لأن حتي لو جربت تعتمد علي البركة للأسف خلال السنة دي مش هتيجي ولا هتعدي وبعدين المشتري بيمثل توسع، زيادة و وفرة سواء كانت سلبية او ايجابية وبما ان المشتري في الجدي فهنلاقي ان في تركيز كبير علي نشاطات البيت العاشر وده هيكون ليه تأثير في المقابل علي نشاطات او أمور البيت الرابع لأن في النهاية محور الجدي/السرطان متأثر ولذلك لو استغليت الطاقة صح قد تكون فرصة انك توازن بين حياتك الاجتماعية والشخصية وان اي انجازات وتطورات مهنية تدفعك لتطوير وتحسين حياتك الشخصية ولذلك اتوقع ان في ناس كتير هتتطور اجتماعياً بشكل كبير ويمكن نرجع تاني نهتم ونركز بالمناصب والطبقات الاجتماعية ونلاقي ان في رغبة او توجه جمعي للاستقرار المهني والمعيشي.
. كالعادة متحمسة جداً للفترة القادمة وحابة اشوف التغيرات اللي هتطرأ علي حياتي وحياة المقربين كمان ولو في نصيحة واحدة ممكن اقولها مع اني بكره كلمة "نصيحة" دي هي انك تتقمص طاقة برج الجدي فأنت محتاج تتعمق كويس في البرج وتفهم طاقته وطبيعته وتشوف لو عندك كواكب او نقط معينة فيه وتحدد في اي بيت وتعمل زي دراسة تقدر من خلالها تساعد نفسك و رجاءً بلاش تبص للموضوع بشكل مبتذل وسطحي وان اكيد حظي هيبقي سئ او انها طاقة معاكسة او المشتري مش في شرفه وكلام المبتدأين ده لأني متأكدة ان اغلبكم جداً ناضج وعنده وعي و ادراك عالي فمتأكدة انكم هتكسروا الدنيا وبتكلم بجد. لو السنة مهمة بالنسبة ليك او انت قلقان اعمل تحليل مع حد بتثق فيه وشوف التنبيهات اللي ممكن تفيدك ولو انت خبرة فعيش واتعمق براحتك ولو تقدر تساعد غيرك ومستعد انطلق. في النهاية المشتري كوكب دمه خفيف وبيحب يعلم وينمي مداركك فأشتغل علي ده وللأبد موفقين أبطالي :)
. بكده يكون موضوعنا انتهي حبيت امنح نبذة عن مشتري الجدي قبل ما انزل أي ثريد متعلقة بتوقعات في تويتر. ان شاء الله في ثريد خاصة بالتوقعات قادمة وعارفة ان دي حاجة تهم الجميع وتهمني أنا كمان بصراحة.
⤦ في النهاية لو عاجبك الموضوع اتمني انك تنشره وتعلق وتوصله لحد الصين :)
ولو مهتم تحلل خريطتك عندي ممكن تتواصل معايا علي تويتر
ده اللينك لو مهتم وهناك هتلاقي مواضيع كتير متنوعة ممكن تيجي تقولي هاي ونتكلم عن مشاكل الكون وكأننا محوره ↓↓↓
https://twitter.com/Chiron_Cono
💛 خريطتك ليها الكلمة الأخيرة ومفيش بطل لحكايتك غيرك، النجاح عمره ما هيكون مرتبط بسنة معينة أو بعبور المشتري علي برج معين. ابذل مجهود كبير، اجتهد، اجري زي اللي أول مرة يحب ورا أحلامك ومش مهم لو تعبت أو قعدت كام شهر مش عارف تنام او خسيت شوية لأن في النهاية رحلة نجاحك ومحاولاتك لا تقدر بثمن .. غير كده بحبكم أبطالي واتمنالكم سنة رائعة .. وندرلست
